1936ko urriaren 7an Jose Antonio Agirre Eusko Jaurlaritzako aurreneko lehendakari izendatu zuten. Aurten Agirre lehendakaria hil zeneko 50. urteurrena ospatzen da eta, horretarako, EAJ-PNVk omenaldiak antolatu ditu hainbat udalerritan.
Atzo Urduñako Josefinoen Ikastetxean –Jose Antonio Agirreren garaian Jesuitak zeuden bertan, eta han egin zituen berak ikasketak– gorazarre egin zitzaion lehen lehendakariari eta ekitaldira Iñigo Iturrate legebiltzarkide jeltzalea ere bertaratu zen. Eguerdiko ordu bat eta erdietan meza egon zen ikastetxeko kaperan eta gero, ohorezko aurreskua eta bazkaria.
Komunikazio leihoa izaki, Aiaraldeak ere bertan egoteko asmoa zuen eta aldez aurretik zinegotzi bati horren berri eman zitzaion. Meza grabatzeko ez ziguten oztoporik jarri, baina antolatzaileetako batek esan zigun bai omenaldia bera bai bazkaria pribatuak zirela. Beraz, ez genuen azken hauek grabatzeko aukerarik izan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
