Betidanik izan da Urduñako Foru plaza topaleku eta batez ere asteburu arratsaldetan sortzen den giroari probetxu atera nahian, udalak umeentzako hainbat ikuskizun antolatu ditu hilabete honetarako. Gainera, parte hartzen duten umeen artean bizikleta bat zozketatuko da azken egunean.
Gaur, magiaren txanda izan da. Oholtza baten gainean, Asier Kidam magoak txundituta utzi ditu adi-adi begira zeuden neska-mutil guztiak (eta euren gurasoak ere bai). Bere trikimailuetarako Rubik kuboa, soka, puxikak, irudiak, zapiak… erabili ditu eta boluntarioen laguntza izan du ere bai.
Betidanik izan da Urduñako Foru plaza topaleku eta batez ere asteburu arratsaldetan sortzen den giroari probetxu atera nahian, udalak umeentzako hainbat ikuskizun antolatu ditu hilabete honetarako. Gainera, parte hartzen duten umeen artean bizikleta bat zozketatuko da azken egunean.
Gaur, magiaren txanda izan da. Oholtza baten gainean, Asier Kidam magoak txundituta utzi ditu adi-adi begira zeuden neska-mutil guztiak (eta euren gurasoak ere bai). Bere trikimailuetarako Rubik kuboa, soka, puxikak, irudiak, zapiak… erabili ditu eta boluntarioen laguntza izan du ere bai.
Hurrengo ikuskizunak hauek izango dira:
Ekainak 12, larunbata, 19:00etan: Parrandan musika ikuskizuna Deabru beltzak taldearen eskutik.
Ekainak 18, ostirala, 19:00etan: Poxpolo ta konpainia pailazoak.
Ekainak 25, ostirala, 19:00etan: musika DJ Thobben eta Lore Power-ekin.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
