Kultur sorkuntza Aiaraldean

Astegun buruzurietako ajeak (III): Tranpak

Erabiltzailearen aurpegia

Madarikatu hura,
eta hangoa,
beste hori baita,
Ni naiz askotan,
madarikatua,
batek daki,
jaiotzetik edo
astelehenetan bakarrik,
naizen ni,
egunak dirauen artean,
gaitz esaka nabil,
noizean behin, aldiz.

Hitzak faltan ditut,
malkoak askotan soberan
jariatzen zaizkidanetan.
Jendearen aurpegietan galerak...
jakinminean galderak,
bizi nahian egunak soberan,
orduak falta bitartean.

Ekoizpen antolatua,
etikaren eztabaida,
kapitalaren etekinarekin bat,
konpetentzia aseezina gara.

Paperezko harresien aldekoa
alde bietako esklaboa,
hitzen eta erantzunen ardurapean
korrika, noraezean,
noranahian beharrean.

Egingo bagenu danba?
prakak jartzen ditugun bitartean
egingo bagenu eztanda?
apurtuko bagenitu arrakalak,
arrakalak bihurtuko balira hegalak?

Herritarren begiradapean,
kiskaltzean, baita,
norbaiten tranpan jauzi izan bazina bezala.
Kilimak egin beharrean,
aizkorekin gabiltza dantzan.

Zu nor ostia zara?
Zergatik zabiltza dantzan?
Harresiaren zein aldetan bizi zara?
eta egingo bazenu eztanda?
Astegun buruzurietan ondo sentitzen al zara?

Eskualdeko zenbait idazlek abiatutako ipuin-segidaren 3. atala da hau. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide