aiaraldea.eus

Ez hutsik egin

Erabiltzailearen aurpegia Inma Roiz   Iritzia

Hurbil dago dagoeneko gure San Bartolome, energiaz beterik. Igaro dira udako egunik luzeenak, gaurik beroenak, eta baita urteko bainurik freskagarrienetako batzuk ere. Hala ere, oraindik badago zer ospatu. Abuztua hasi baino ez da egin, eta hilabete hau ez uda ez litzateke berdina izango gure jaiak gabe.

Okondoko festak San Bartolomeren inguruan egiten dira, gure patroia, eta baita herriko plazari sarrera egiten dion ermitaren inguruan ere. Bertan gauzatzen dira jaietako ekintza gehienak. Ez da bertara gerturatuko ez zen okondoarrik egongo.

Aurten Maddi Otaola izango da pregoilaria. Ondo merezitako ohorea, Gimnasia Erritmikoko Espainiako Txapelketan lortu dituen emaitza paregabeak ikusita. Irribarre egiteari utzi gabe mugitu, tolestu eta salto egiteko aparteko dohaina dauka.

Bere hitzen ostean hasiko dira guztion gozamen eta dibertsiorako prestatutako hiru jai egunak, baina haurrei zuzenduak egongo dira bereziki ekintzak. Eurak dira, euren xalotasun eta askatasunarekin, hobekien gozatzen dituztenak goizeko ordu txikietara arte amaitzen ez diren egun luze hauek.

Honakoa izango da tren batek gure herria zeharkatuko duen urteko une bakarra. Trenbidearen faltan, errepidetik egingo du bidea, baina harrera beroa izango du. Bere triki-traka isilari batuko zaie musika eta gu guztion zalaparta. Gauez zein egunez, etxean eta kalean, ez huts egin San Bartolomerekin dugu zitara. Denak zaudete gonbidatuak!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa