Hiru asteetan zehar futbolera jokatzeko zein tailer ezberdinak egiteko aukera egongo da. Leku mugatuak izango dira eta ekainaren 12an izango da izen emateko azken eguna. Lehenengo astea ekainaren 24tik 27ra arte izango da, bigarrena, ekainaren 29 tik uztailaren 3a arte eta azken astea, berriz, 6tik 10era.
Prezio ezberdinak ere egongo dira, izan ere, egun solteak eta ekintza ezberdinetan izena emateko aukera baitago. Batetik, futbol saioak egongo dira eta hiru egun joan ahal izateko 45€ ordaindu beharko dira, aste bat 90€, bi aste 160€ eta egunero joateko 180€. Bestetik kirol tailerrak egongo dira. Horretarako 30€, 60€, 100€ edo 110€ ordaindu beharko dira. Deskontuak egongo dira anaientzako eta baita 5 pertsonetako taldeentzat ere. Laboral Kutxako kontu korronte batean sartu beharko da aurrez aipatutako diru kantitatea (3035 0045 27 0450074781).Zuentzat, Kaia Tabernan eta Azokan daude inskripzio orriak. Kanpusaren inguruko batzar bat egingo da ekainaren 18an udaleko erabilera anitzeko aretoan arratsaldeko 18:30tan.
Futbol ekipamendua, kanpuseko kamiseta, hamaiketakoa, entrenatzaile titulatuak, heziketa fisikoan lizentziatuak, sorosle titulatuak eta igeriketa begiralea egongo dira kanpusa irauten duen bitartean.
Kanpuseko ordutegia
8:30tatik 9:00 bitartean heldu beharko dira umeak. Ondoren lehen futbol saioa edo tailerra egingo dute. 10:45tatik 11:15etara hamaiketakoa izango dute eta ondoren 12:30ak arte 2. futbol saioa edo talde jolasak. Ondoren igerilekura joateko aukera izango dute eta 14:00taik 14:30 bitartean joan ahal izango dira etxera.