IRITZIA

Auzolanari esker egiten dute aurrera herrietako eta auzoetako jaiek. Gora zuek!

Erabiltzailearen aurpegia

Itxaronaldia luzea izan da, bai; bi urteko geldialdiaren ondoren, baina, herrietako eta auzoetako jaiak ospatzeko gogoa azal-azalean dago berriz ere. Hala sentitu dugu gure jaietan, aurtengo Otxomaioetan, eguraldiak lagunduta, gainera! Igarotako garai gogorrak gorabehera, kemena eta poza ez zaizkigu agortu. Hiritarren zein tokiko elkarteen inplikazioa eta ilusioa izugarriak izan dira eta gure beste jaiak maila berean ospatzen jarraitzea espero dugu! Orain, auzoetako eta Larruazabalgo herrietako jaien zain gaude, beti bezala gozatzeko ilusioarekin eta ekitaldi bat bera ere galdu nahi izan gabe. Urdufolk jaialdiaren 10. edizioa ere izango dugu! Mugarria da guretzat, ibilbide luze eta esfortzu handi baten adierazgarri baita, eta emakumeak erdigunean jartzea izango da gure aurtengo apustua. Ondo antolatu beharko gara erritmo honi eusteko.

Horrenbestez, beste behin ere, eskerrak eman nahi dizkiegu bihotz-bihotzez urteetan zehar jaiak antolatzen, mantentzen eta, azken finean, herriak eta auzoak zaintzen dituzten elkarte, eragile eta pertsona guztiei. Auzolanari esker egiten dute aurrera herrietako eta auzoetako jaiek eta, eginkizun horretan, guztion lana goragarria da! Gora zuek! Gozatzen ikusiko dugu elkar! 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide