Korrikako lekukoen segida:"Euskarari zirri"

Erabiltzailearen aurpegia Josune Irabien 2017ko api. 4a, 11:06

Euskarari zirri eta korrika... Amurrion bagara batzuk! Euskara laztanduko dugu emeki, euskarari zirri egingo diogu denok batera korrika egiten. “AMURRION BAGARA BATZUK” berdin pentsatzen dugunok.

Euskarak eta mugimenduak bat egingo dute oraingoan ere, mingaina erabiliz, hitz-ibilgailu bilakatuz…
Euskararen presentzia aurrera doa Aiaraldean, baina oraindik ere beharrezkoak dira jende oro sentsibilizatzeko jarduerak; eta guztiok batera eginez gero, askoz ere indartsuagoa izango da euskara.Familiak, lagunak, umeak… euskaltzale guztiok hizkuntzari zirri eginez, Korrikaren eskutik, lekuko baten atzetik, belaunaldiz belaunaldi zabalduz doan komunikatzeko tresna bizia. 

Katea ez da eten. Horregatik guztiagatik animatzen zaituztegu Korrika kulturalean eta Korrikan parte hartzera. Aukera paregabea da eskualde osoan batzen gaituenaren inguruan lan egiteko, gozatzeko… zirri egiteko.

Parisen ere zabaldu da egunotan; eta, aurten, beti bezala, Amurriotik ere pasatuko da; beraz, igarotzean zapatilak jantzi eta kalera atera ozenki aldarrikatzera euskarak ematen dizuna. Bertan elkartuko gara ziur asko. Aurrera Korrika!

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide