IRITZIA

Beldurrak

Erabiltzailearen aurpegia

Pertsona orok dugun emozioa da beldurra. Haurren kasuan, bi edo hiru urterekin ageriago agertzen dira, eta gaueko beldurrak etorri daitezke, lotan dauden bitartean. Beldurra ez dugu zerbait negatibo bezala hartu behar, haurrak beldurrak erabili egiten ditu modu batean, mundua ezagutzeko eta bere burua ezagutzeko. 

Beldurrak beti egongo dira; gainditzen jakitean dago gakoa. Batez ere geldiarazten gaituzten beldurrak badira. Beldurrak onak dira guretzako, arazoak saihesten laguntzen gaituztelako. Geroz eta munduaren ezagutza handiagoa izan, beldurrak gainditu, eta berriak agertuko dira. Ezinbestekoa da beldurrek gure egunerokotasuna ez geldiaraztea. 

Ipuin klasikoetan beldur hori otsoak ordezkatzen du. Otsoa ipuinaren bukaeran hil egiten denean, haurrari beldurra gainditu daitekeela erakusten dio. Helduek, haurren beldurren aurrean, lasaitasuna, segurtasuna eta konfiantza transmititu behar diegu. Ondoan egotea eta, batez ere, beldur horiek zer nolako eragina duten behatzea da helduon egin beharra. Baita beldur berriak ez transmititzen saiatzea ere. Haurrarengan konfiantza osoa izan behar da, bere gaitasunez fidatu, haurrari helduen beldurrak ez transmititzeko. Beldurrak bizi eta beldurren bidelagun izan, denok sentitzen baititugu noizbait.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide