Urte berria hasi dugu, indarrez beteta. Eguzkiaren inguruan beste bira oso bat emateko prest gaude. Olentzero eta Mari Domingiri eskutitzean eskatu bezala espero dugu 2021ean haurren eskubideak bermatuak egotea. Haur eta gazteek beraien beharrak dituzte eta hauek asetuak egon beharko liratezke.
COVID-19ak egoera berezia ekarri du, baina zerbait ikasi badugu 2020. urtean, koronabirusa gaixotasun pediatrikoa ez dela da. Beraz, haur eta gazteen beharrak erdigunean jartzen dituzten neurriak nahi ditugu.
Haurrek sozializatzeko beharra daukate, ez soilik beraien adin berdineko (burbuilako) umeekin eta adin ezberdinetako pertsonekin ere.
Haurrek natura eta kalea gozatzeko beharra daukate, jolas librea medio. Haurrek aisialdiaz gozatzeko beharra daukate, udalekuen, eskolaz kanpokoen, eskola kirolaren beharra daukate.
Hezkuntza komunitateak badu zer hausnartu 2021ean, COVID-19aren neurriek aukera bat zabaldu ahal digute haurren beharretan zentratutako haziera bat sustatzeko. Errespetuzko hezkidetza bat, haurren kulturatik abiatutakoa.
Eraiki dezagun hezkuntzatik 2021eko bidea elkarrekin!