Euskaldunok jana eta edariaren aurrean biltzen omen gara, hori omen da gure ohitura. Beraz, janariari garrantzia ematen diogun kultura gara. Jaiotzen garenetik elikatu egin behar gara, eta momentu horretatik komeriak egoten dira.
Amek presio handia izaten dute haurra titiarekin elikatzeko, hori esaten du OMEk dela egokiena eta bai titia da haur jaio berri horrentzako bereziki egindako elikagaia, beraz bere osasunerako ona da. Haur horrek, baditu bestelako behar asko asetzeko, maitasuna eta berotasuna horietako bi dira, eta ezin hori egin titia derrigor ematen bada.
Askoz egokiagoa izan daiteke biberoi bat maitasunarekin, begiratua, sentitua ematea, titia derrigor eta deseroso ematea baino. Hasieratik haurra elikatzeko dagoen presioa ez da urteekin txikitzen.
Haurrari elikagairen bat ez ematea erabakiz gero jendartearen presioa jasotzen da, baita haurrak elikagai nahikotxo gustuko ez baditu, edota jaterakoan haserrealdiak baditu… Mota askotarikoak dira presioak, baina denak elikaduraren ingurukoak.
Gurasoek, haurren hasierako urteetan hartzen dituzten erabakiak, maitasunez hartzen dituzte, haurra maite dutelako; horregatik, errespetatu ditzagun.
Esaten baitute jatea plazer bat dela; hori bai, presiorik gabe egiten denean.