Gaurkotasun-gaiak sakonean aztergai izaten dituen ETB1eko “Ur Handitan” saioak Laudio Ikastolako ikaslea den Maialen Solaun Pikaza izango du protagonista datorren asteartean, martxoak 14, eskainiko dituen erreportajeetako batean.
Pertsona itsuei moldatutako Goalball kirolean aritzen da Maialen eta bere esperientziaren berri emango du Kirol egokitua ardatz izango duen saioan.
Saioko erredaktore eta kamerariak Ikastolara hurbildu dira aste honetan Maialenen egunerokoa erreportajean islatzeko.
Saio berean Laudio Ikastolako ikasle ohia eta irakasle-ikasketatako praktikak berton burutu dituen Jone Basterra Olaguenaga orozkoarrak ere partekatuko ditu bere bizipenak.
Handbike edo txirrindularitza egokituan izandako lorpenak, besteak beste, azalduko ditu Xabier Madariagak gidatzen duen saioan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
.JPG)
