Laudio Ikastolako emakumeek bat egin dute Martxoak 8ko greba feminista deialdiarekin

Erabiltzailearen aurpegia Laudio Ikastola 2019ko ots. 20a, 12:23

Pankartak jarri dituzte ikastetxeko zenbait tokitan. / Laudio Ikastola


Laudio Ikastolan egun langileen %83a emakumea da: %100a Haur Hezkuntzako ziklo bietan, %80a Lehen Hezkuntzan, %42a Bigarren Hezkuntzan, %89a garbiketan, %85a jantokian eta %50a idazkaritza eta mantenimenduan.

Deialdiak beraz, erabat baldintzatuko du martxoaren 8an Ikastolan izango dugun funtzionamendua, egun horretan gizonezko langileak baino ez baitira Ikastolan izango, langileen %17a.

Hori dela eta, datozen egunetan iragarriko dira greba egunerako argibideak.

Laudio Ikastolako emakume langileek eskola komunitateko gainerako emakume kolektiboak, ikasle zein familia esparruetan, Martxoak 8ko greba feminista deialdiarekin bat egiteko ekimenetan parte hartzera deitzen dituzte.

Laudio Ikastolan ondorengoak iragarri dira dagoeneko:

BESOKOAK
Otsailaren 21etik martxoaren 8ra besoko moreak jarriko dituzte langileek. Idazkaritzan eta Haur Hezkuntzako eraikinetan familientzat ere eskuragarri izango dira.

ARGAZKI ERRALDOIA
Otsailaren 27an, 8;40an, Emakumeen argazki erraldoia aterako dugu Haur Hezkuntzako jolastokian. Ikastolako emakume guztiak, irakasle, ez-irakasle, ikasle eta familiak, gonbidatuta zaudete.

AMANTALAK ESKEGITA
Martxoaren 5etik aurrera amantalak Haur Hezkuntzako eraikinen kanpoaldean eskegiko dituzte.

Hezkuntza Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide