Laudio Ikastolak Korrika hasierako ekitaldira joateko autobusa antolatu du

Erabiltzailearen aurpegia Laudio Ikastola 2026ko otsailaren 19a

Laudio Ikastolak martxoaren 19an Atharratzetik abiatuko den 24. Korrikaren hasiera ekitaldira joateko autobusa antolatu du. Ikasle, familia eta eskualdeko euskaltzaleei euskara eta euskal kulturaren aldeko lasterketaren lekukoa lehenengo kilometroetan babestera hurbiltzeko gonbidapena da.

Autobusa martxoaren 19an, Korrikaren hasiera egunean, 09:30ean abiatuko da Atharratzerako bidean Laudiotik, institutuko autobus geltokitik eta bertan bueltan izango da 22:30ean.

Autobus txartelak Ikastolako idazkaritzan izango dituzte salgai martxoaren 13ra arte, 20 eurotan, astelehenetik ostiralera 8:00etatik 17:00etara.

Txangoan gurasoek lagundu gabe parte hartu nahi duten adin txikikoek, mugaz beste aldera joateko baimena tramitatu beharko dute online edo Ertzaintzaren komisaldegian. Izapide honi buruzko informazioa Ikastolako web gunean bistara daiteke.

Edozein argibidetarako, eke@laudioikastola.eus eta 946726737 telefonoa baliatu daitezke.

Euskara Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide