Asteburua gozatzeko aukera ezberdinak eskaintzen dute asteburu honetan Laudion. Alde batetik, Laudioko Mikologikoaren V. Pintxo eta Kazolatxo Ibilbidea eta bestalde, “Laudio Halloween” ibilbidea taberna ezberdinetan zehar.
Lehenengo aukera
APILL-ek Laudioko Udalaren laguntzarekin Pintxo eta Kazolatxo Mikologikoen Ibilbidearen V. edizioa antolatuko du asteburu honetan, 18 pintxo eta 16 kazolatxo eskainiz.
Bezeroek, 22 establezimendu parte-hartzaileetan lortuko dituzte pintxo eta kazolatxo gogokoenak bozkatzeko kupoiak eta parte-hartzeko kupoia zazpi establezimendu ezberdinetan zigilatuta egon beharko da (zigilu bat kanpoaldeko lokal batena, hiru kazolatxoenak eta hiru pintxoenak).
Bildutako bozketa kupoi guztien artean zozketa egingo dute eta irabazlea Saloura zazpi gauetako bidaia, Araba Bidaiak emandakoa eta Laudioko jatetxeetan 6 menu mikologiko, 60€-tan baloratutakoak irabaziko du.
Bestalde, azaroaren 7an, ostirala, eguerdiko 12:00etan Zubiko Etxean pintxo eta kazolatxo bozkatuenei saria emango zaie, baita zozketako bazkideei ere.
Bigarren aukera
“Laudio Halloween” ibilbideari ekingo diote bigarren aldiz asteburu honetan (urriaren 31, ostirala eta azaroaren 1a, larunbata) Laudioko 16 lokal ezberdinek, prezio bereziekin zerbeza eta konbinatuetan. Arratsaldeko 20:00etan hasiko da eta taberna bakoitzaren ixteko orduan amaituko da.
Ibilbide Orria egoki zigilatzen duten parte-hartzaileen artean Port Aventurara bidai bat zozketatuko dute, Araba Bidaiak emandakoak. Eta era berea, bidai taloi bat zozketatuko dute Araba Bidaia egoitzan trukatzeko, mozorrotuta egongo direnen artean. Horretarako, bezeroek Ibilbide Orria lokal parte-hartzaileetan hartu eta eman beharko dituzte.
Lokal parte-hartzaileak 4 zonalde desberdinetan banatu dira: Lehenengoan, Araba, Ilargi, Blanco, La Viña; bigarrenean, Kaia, Indriska, Haitzulo, Bonaire; hirugarrenean, Iluntze, Kalaka, Txantxiku, Antzoki eta laugarrenean, Dorrea (Ugarte), La Meca, Keska eta Sorgin. Hala ere, informazio gehiago nahi izanez gero www.laudiocomercial.com-en edo Facebook-ean bilatu.