Zekorketarik ez dute egingo aurten sanrokeetan

Zezeketa baten artxibo irudia.

Laudioko Udalak jakinarazi zuen pasa den astean 2017ko San Roke Jaien egitarauaren hainbat ekintza, eta horien artean ez zen aipatu zekorketarik.

Laudioko Udalak azaldu du aurten ez dela zekorketarik antolatuko Laudioko Jaietan. Udal Gobernu Taldeak argitu du publiko gutxi elkartzen duela ikuskizunak azkenaldian eta, ondorioz, egiteari utziko diotela.

Jaien lan taldeak eztabaidatutako gaia izan da, eta horrela ebatzi dute. Izan ere, inguruko zenbait herritan (Amurrio, kasu), antzeko erabakiak hartu dituzte argudio berak baliatuta.

Zezenketek gero eta presentzia gutxiago izan dute Laudioko Jaien egitarauan. Aspaldi San Roke egunean eta Odoloste Egunean egiten ziren, eta azken urteetan soilik Kofradia Egunean.

Dena den, zezenak ez dira guztiz desagertuko ospakizunetan, entzierroak egiten jarraituko baitute. Gainera, zezen plaza jarriko da, Zoroak koadrilak erabiliko baitu, besteak beste.

Erlazionatuak

Zezenzale elkartearen etorkizuna kolokan jarri du zekorketa kentzeak

Amurrio

Amurrioko zezenzaleen elkarteak ez ohiko bilera egingo du maiatzaren 7an bere etorkinari buruz eztabaidatzeko. Taldeko bozeramaileek adierazi zuten...
Hesian, Zea Mays eta La Regadera taldeek girotuko dituzte Laudioko Jaiak, besteak beste

Laudio

Herriko Plazan eta Zumalakarregi etorbidean egongo diren kontzertuak zehaztu ditu udalak, egitarauko beste hainbat punturekin batera.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide