aiaraldea.eus

EH Bilduk nabarmendu du herritar ugariren partaidetza egon dela eta jaien balorazio positiboa egin du

Erabiltzailearen aurpegia Erredakzioa   Kultura  Laudio

Laudioko Udal Gobernu Taldeak adierazi du sanrokeek parte hartze handia izan dutela eta antolatzaile eta herritar ororen lana nabarmendu du.

EH Bilduk nabarmendu du herritar ugariren partaidetza egon dela eta jaien balorazio positiboa egin du
Koadrilen lana azpimarratu dute, besteak beste. / aiaraldea.eus | Ikusi handiago | Argazki originala

EH Bilduk jakinarazi du pozik dagoela, bereziki, eraso matxistarik ez delako gertatu jaietan. Zentzu horretan, eskertu du jendearen inplikazioa indarkeria matxistaren aurkako bideoan zein gainerako ekintzetan.

Horrez gain, koalizioak uste du Herriko plaza jaigune bezala bere lekua aurkitu duela eta maiz 600 lagun inguru elkartu direla bertan hainbat ikuskizun dela medio.

Bide batez, Jaiak Koordinakunea eta Txosna Batzordea zoriondu dituzte Aldai plazan egindako lanagatik eta adin anitzeko publikoarentzako eskaintza antolatzeagatik.

Positiboki baloratu dituzte pregoilarien eta txupineroaren lana, baita egunero egin diren herri bazkariak eta casteller taldearen ekarpena. Bestalde, jakinarazi dute zekorketak antolatzeari utzi diotela.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa