CD Laudio desagertuko da ekainean inork ez badu presidentetza bere gain hartzen

Aitor Aspuru Saez 2018ko apirilaren 24a

CD Laudiok Espainiako Kopa jokatu zuen 2013-2014 denboraldian, 2.B mailan zegoelarik./ aiaraldea.eus

Apirilaren 23an, astelehenean, José Gómez CD Laudioko presidenteak dimisioa aurkeztu zuen bazkideen aurrean. Orain arte ardura izan duenak argitu zuen ez zuela atzera egingo erabaki horrekin. Hortaz, beste pertsona batek ez badu karguaren ardura hartzen, CD Laudio futbol kluba desagertuko da ekainaren 30ean.

Printzipioz, bi asteko epea dago ordezkoa bilatzeko, eta maiatzaren 7an beste bilera deitu dute bazkideen artean gaia jorratzeko. Egun 300 jokalari inguru ditu taldeak eta 2. B mailan izandako zailtasun ekonomikoen ondoren, ez du zorrik.

Azken 3 urteetan José Gómezek bakarrik kudeatu du proiektua eta bere kargua hartzeko edonork aurkeztu dezake bere burua, ez da beharrezkoa ezta bazkide izatea ere.

91 urte

CD Laudiok 91 urteko historia bete du, eta ibilbide luze horretan Gizpuzkoako Federazioan eta Bizkaikoan ere aritu da. Izen ezberdinak izan ditu denbora horretan, SD Llodiana edota Villosa CD, esaterako.

Gainera, XXI. mendean herriko beste klub batekin elkartu zen, Salleko Lagunakekin, alegia. Lorpen garrantzitsuena 2013an izan zen, 2. B mailara igotzea lortu baitzuen. 2013-2014 denboraldian, ordea, ametsa bilakatu zen amesgaizto. Izan ere, nahiz eta Espainiako Errege Kopa jokatu, besteak beste, gorabehera ekonomiko handiak sortu zitzaizkion Arabako Foru Aldunditik uste baino askoz diru gutxiago jaso eta gero.

CD Laudio 2.B mailara igo da from Aiaraldea Gaur on Vimeo.

Kirola Laudio

Erlazionatuak

CD Laudioren batzordeak dimisioa aurkeztu du

Erredakzioa 2018 api 09 Laudio

CD Laudiok aurrera jarraituko du

Erabiltzailearen aurpegia Irati Moreno 2015 eka 07 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide