aiaraldea.eus

Javi Zaballa izango da CD Laudioren presidente berria

Erabiltzailearen aurpegia Erredakzioa   Kirola  Laudio

Zazpi botoko aldea atera dio Carlos Larroryren hautagaitzari. 75 bazkidek bozkatu dute guztira. Gauzak hala, Zaballa arduratuko da kluba zuzentzeaz datozen lau urteetan.

Javi Zaballa izango da CD Laudioren presidente berria
Javi Zaballa -erdian- izango da CD Laudioren presidente berria. / Aiaraldea.eus | Ikusi handiago | Argazki originala

Javi Zaballaren hautagaitzak irabazi ditu CD Laudioko hauteskundeak. 75 bazkidek eman dute botoa, eta 41 lerrokatu dira Zaballaren alde, beste 34k, aldiz, Carlos Larroryren hautagaitzaren alde.

Gauzak hala, Zaballak hartuko du klubaren zuzendaritza hurrengo lau urteetan. Ez da kargu hori betetzen duen lehen aldia izango, 2003tik 2006ra bitartean bera izan baitzen klubeko presidentea.

Hauek dira bere hautagaitzan osatzen duten pertsonak:

  •   F. Javier Zaballa Larrañaga
  •     Jone Josebe Muñoz Hernández
  •     Jesús María Pérez González
  •     Miguel Ángel Yuste Alonso
  •     César Augusto Martínez González
  •     Ángel Mª Hernáez Dorronsoro
  •     Iñaki Fernández Bernaldo
  •     Ibon Goikoetxea Pérez
  •     Bruno Mª Isusi Antón

Azken asteak oso biziak izan dira futbol klubaren barruan. Carlos Larroryk kluba zuzentzeko proposamena plazaratu zuen. Zaballak, ordea, Laudio Gorritazuri talde berria aurkeztu zuen. Azkenean, hauteskundeak egin dituzte CD Laudioren etorkizuna ebazteko. 

Larroryk, bere aldetik, gutuna plazaratu du Zaballa zoriontzeko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa