aiaraldea.eus

Jai giroan ematen diren eraso matxisten aurkako protokoloa aurkeztuko du udalak datorren asteazkenean

Erabiltzailearen aurpegia Txabi Alvarado Bañares   Jendartea  Laudio

Emakundek emandako diru-laguntza bat baliatu dute protokoloa osatzeko. Asteazkenean aurkeztuko dute dokumentua, erabilera anitzeko udal aretoan egingo dituzten 2 formazio saio irekietan.

Jai giroan ematen diren eraso matxisten aurkako protokoloa aurkeztuko du udalak datorren asteazkenean
Eraso matxisten aurkako bideo bat plazaratu zuen iaz udalak. / Laudioko Udala | Ikusi handiago | Argazki originala

Protokoloa aurkeztuko du Laudioko Udalak jai giroan ematen diren eraso matxistei aurre egiteko. Datorren asteazkenean -ekainak 27- egingo dituzte formazio saio irekiak, erabilera anitzeko udal aretoan.

Bi saio egingo dituzte: 11:00etatik 13:00etara bata eta 18:00etatik 20:00etara bestea. Saio irekiak izango dira, herriko norbanako zein kolektiboa zuzenduak. “Jaiak Koordinakundeko, mugimendu feministako, emakume taldeetako, jai koadriletako, ostalaritzako edota txosna batzordeko kideei luzatu nahi diegu bereziki bertan parte hartzeko gonbita”, adierazi du Amets Meatzak.

Alkateordeak adierazi du honakoa ez dela jaietan ematen diren eraso matxisten aurka egin duten lehen ekimena. “Kartelak atera eta erasoen aurkako bertso-saioak antolatu ditugu azken urteetan. Horrez gain, bideo bat plazaratu genuen iaz, sare sozialetan zabalpen handia izan zuena”.

Bagara Nor taldearen protokoloa
Bagara Nor taldeak, bere aldetik, protokolo propioa atondu du. Hala adierazi dute Laudioko talde feminista horretako kideek sare sozialen bidez. Adierazi dutenez, duela hilabete batzuk ekin zioten lanari. “Lan handia eta gai arantzatsuen inguruko eztabaida luzeak izan dira bidean”.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa