aiaraldea.eus

Genero indarkeria kasuei aurre egiteko hitzarmena sinatu dute udalak eta Arabako Foru Aldundiak

Erabiltzailearen aurpegia Aitor Aspuru Saez   Jendartea  Laudio

Maiatzean iraungi zen aurreko hitzarmena eta berria adostu dute Laudioko Udalak eta Arabako Foru Aldundiak indarkeria matxista pairatzen duten emakumezkoak laguntzeko.

Genero indarkeria kasuei aurre egiteko hitzarmena sinatu dute udalak eta Arabako Foru Aldundiak
Eraso matxistei erantzuteko bitartekoak egoteko sinatu dute hitzarmena erakundeek. / Aiaraldea.eus | Ikusi handiago | Argazki originala

Laudioko Udalak eta Arabako Foru Aldundiak hitzarmen berria sinatu dute genero indarkeriako kasuetan esku hartzeko. Akordioak 2019ko abenduaren 31ra arte iraungo du eta bi urtero luzatzeko aukera egongo da.

Erakundeek konpromisoa hartzen dute, horren arabera, arreta integrala eskaintzeko. Hau da, tokiko erakundeak udaletxea utzi beharko dio Aldundiari zerbitzua eman dezan, herritarrak informatuko ditu dauden bitartekoei inguruan, eta etxebizitza jarriko du indarkeria matxista jasan duten emakumeen esku.

Aldundiak, bestalde, zerbitzu guztiak doakoak izango direla bermatuko du eta langileak kontratatuko ditu. Horrez gain, larrialdiko egoerei erantzungo die, eta Laudioko etxebizitza okupatuta balego, beste bat eskaini.

Bestalde, erasoa jasan duten emakumezkoek gizarteratzeko laguntza psikologikoa eta soziala izango dutela ziurtatuko du Aldundiak, eta horrez gain, aholkularitza sozio-juridikoa eskainiko dio edozein emakumeri. Zehazki, lehen zerbitzu hori eskaini egiten ari dira dagoeneko, astelehen, asteazken eta ostegunero udaletxean 08:00etatik 15:30ak arte. Bigarrena, ordea, bi astean behin ematen dute ostiralean 10:00etatik 12:00ak arte. Hori bai, abuztuan ez dago indarrean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa