Fiskaltzak eta Arartekoak bertan behera utzi dituzte Latiorro Ikastetxeko amiantoari buruzko salaketak

Amiantoaren presentziak Latiorro Ikastetxean hautsak harrotu ditu Laudion.

Fiskaltzak eta Arartekoak ez dute Laudioko Udalaren jokabidean ezer topatu tokiko erakundearen aurka jotzeko. Fiskalak ikasle baten aitak jarritako salaketa artxibatu du udan eta Arartekoak adierazi du udalak ez duela informaziorik ezkutatu.

Udan Laudioko Udalaren aurkako bi salaketak bertan behera geratu dira amiantoari dagokionez. Latiorro Ikastetxeko ikasle ohi baten aitak abiatu zuen auzia, eta Fiskaltzak eta Arartekoak egokitzat jo dute tokiko erakundearen jokaera.

Alde batetik, fiskalek artxibatu dute salaketa eta, bestetik, Arartekoak txostena osatu du azaltzeko udalak arazo horren inguruko proiektu guztiak gurasoen esku utzi zituela.

Berez, Eusko Jaurlaritzako Hezkuntza Sailak konpromisoa adierazi du 2020an, beranduenez, amiantoa guztiz kentzeko ikastetxetik.

Deliturik ez

Laudioko Udaleko alkateordea Jon Ander Altubek azaldu du gobernu taldeak 2013an hartutako bideari jarraituko diola eta espero dutela 2020an amiantorik ez geratzea Latiorron.

Horrez gain, nabarmendu nahi izan du fiskalak ez duela delitu zantzurik aurkitu eta Arartekoak ziurtatu duela erakundeak ez duela informaziorik ezkutatu.

Bukatzeko, EH Bilduko kideak berretsi du eskola komunitatea osatzen dutenak direla eurentzat zilegitasuna duten ordezkariak.

Erlazionatuak

Latiorro Ikastetxean dagoen amiantoa 2019-2020. urteetan kenduko dutela jakinarazi du Hezkuntza Ordezkaritzak

Laudio

Ikastetxeko eskola kontseiluarekin iragan astean izandako bileran eman zuen asmo horren berri Arabako Hezkuntza Ordezkaria den Blanca Guerrerok. Ha...
Amiantozko hainbat elementu kenduko dituzte udan Latiorro eta Fabian Legorburu ikastetxeetan

Laudio

Udazkenean, aldiz, San Martineko futbol zelaietako eraikinetan dagoen fibrozementua kenduko dute.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide