aiaraldea.eus

Natxo Urkixo proposatu dute alkategai moduan EH Bildun, baina hautaketa prozesua irekita dago oraindik

Erabiltzailearen aurpegia Erredakzioa   Politika  Laudio

Urriaren 28ra arte egongo da irekita Laudioko EH Bilduren zerrendaburua hautatzeko proposamenak aurkezteko epea.

Natxo Urkixo proposatu dute alkategai moduan EH Bildun, baina hautaketa prozesua irekita dago oraindik
Natxo Urkixo Oruetak ia zortzi urte daramatza Laudioko alkate gisa. / Saioa Fdz. de Aranguiz | Ikusi handiago | Argazki originala

Laudioko EH Bilduko hainbat kidek Natxo Urkixo Orueta proposatu dute alderdiaren alkategaia izateko datorren urteko udal-hauteskundeetan. “Araudiak ezarritako gutxieneko kopurua -15 abal- erraz gainditu dugu eta, besteak beste, egungo udal taldeko kideak eta azken hamarkadetan Laudioko Udalean egondako hautetsiak daude osatu dugun zerrendan”, adierazi dute alderdiko militanteek.

Hala ere, hautaketa prozesua irekita dago oraindik. Urriaren 28ra arte egongo da EH Bilduren balizko hautagaiak proposatzeko epea. Hemen dago horretarako aukera. Prozesua azaroan amaituko da. Orduan ebatziko da nor izango den behin betiko alkategaia eta nortzuk egongo diren zerrendan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa