Iragan irailaren 21ean bilera egin zuten OMNIAko kideek alderdiak Latiorro auzoan duen egoitzan. Bertan adostu zuten Alvaro Barrios izatea talde politikoaren alkategaia 2019an egingo diren udal-hauteskundeetan.
Prozedura arina izan dela azaldu dute alderdiko kideek, Barrios izan delako talde politikoaren zerrendaburua izateko prest azaldu den bakarra. Bilerara bertaratutako guztiek bozkatu dute bere alde. 2015eko udal hauteskundeetan ere bera izan zen alderdi laudioarraren alkategaia, eta zinegotzi gisa aritu da duela gutxira arte. Lan kontuegatik kargua utzi zuen eta Endika Ibañezek hartu zuen bere postua.
“Alvaro da gure proiektua aurrera ateratzeko pertsona on eta profesionalena. Herriak asko irabaziko du bera udal kudeaketaren buru egonda, dudarik gabe”, azaldu du alderdiaren egungo bozeramailea den Nerea Gonzalezek.
Alvarok, bere aldetik, Laudiok “kudeaketa talde bat” behar duela nabarmendu du, “ekimenetan harago joateko gaitasuna izango duena eta laudioarrok merezi dugun etorkizunera begirako proiektu bat planteatuko duena”.
Programa Parte-hartzailea
Alkategaia aurkeztuta, "Programa Parte-hartzailea" garatzeari ekingo dio alderdiak. Hainbat galdera osatuko dituzte horretarako, eta laudioar orok izango du horiei erantzuteko aukera, talde politikoak plazaratuko dituen bideak baliatuta.
(1).jpg)
Duela astebete egin zuten hautagaia adosteko bilera. Barrios izan da horretarako bere burua aurkeztu duen bakarra, eta kide guztien aldeko botoa jaso du.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide