Urtarrilaren 10ean zuzendaritzak eta langile ordezkariek bilera egin zuten eta enpresako arduradunek ez zuten sindikatuen puntu bat ere onartu.
Aiala Vidrion ordezkaritza duten sindikatuek grebara joko dute urtarrilaren 20an eta 27an eta otsailaren 3an eta 10ean. 32 orduko lanuzteak izango dira eta gaueko, goizeko, arratsaldeko eta berriro gaueko txandei eragingo diete.
"Guretzat bi marra gorri daude bereziki: soldata eskala bikoitzarena antzinatasunean eta lan-ordu kopuruarena, eta zuzendaritzak ez dio ez batari ez besteari heldu nahi izan", azaldu du ELA sindikatuko Urtzi Etxebarria Oruetak. LAB erakundeko bozeramaileak gaineratu du zuzendaritzarekin batu zirela langile ordezkariak urtarrilaren 10ean eta enpresako jabeek guztiz baztertu zituztela beharginen aldarrikapenak, bakarra onartu gabe.
Hori aurreikusita, langileek mobilizazio egutegia prestatu zuten, batzar orokorrean adostuta, eta indarrean jarri dute hitzarmen berria erdiesteko.
Pasa den astean bi eguneko protestak gauzatu zituzten Aiala Vidrioko beharginek eta zenbait ika-mika izan zituzten zuzendaritzak polizia deitu zuenean:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
