aiaraldea.eus

Langileen ia %100ak egin du gaur greba Aiala Vidrion eta protestak gogortzea aurreikusi dute

Erabiltzailearen aurpegia Aitor Aspuru Saez   Ekonomia  Laudio

Aiala Vidrio enpresako langileak 36 orduko greba egiten ari dira gaur eta batzarrean adostu dute hurrengo mobilizazioak gogortzea lan hitzarmenean hobekuntzak lortzeko.

Langileen ia %100ak egin du gaur greba Aiala Vidrion eta protestak gogortzea aurreikusi dute
Goizean Ertzaintza agertu da Aiala Vidrion. / LAB | Ikusi handiago | Argazki originala

Pasa den astean iragarritako 4 greba egunetako lehen hitzorduari ekin diote gaur Aiala Vidrio enpresan. Urtzi Etxebarria ELA sindikatuko ordezkariak azaldu du ekoizpena eta bulegoak guztiz gelditu dituztela grebalariek. "2 langile bakarrik sartu dira bulegoetara" adierazi du sindikatuko kideak.

Horrez gain, langileen ordezkariek eta enpresako zuzendaritzak bilera egin dute gaur eta, nahiz eta enpresariek hasierako proposamena hobetu duten, Etxebarriak ziurtatu du oso gutxi izan dela: "langileen aldarrikapenetik oso urrun daude oraindik".

Gauzak horrela, 36 orduko 3 greba deialdi geratzen dira; urtarrilaren 27an eta otsailaren 3an eta 10ean. Beharginek batzarrean adostu dute presio neurriak areagotzea.

Ostiralean izango da enpresa eta sindikatuen arteko hurrengo bilera, 11:00etan. Orduan jakingo da negoziazioek aurrera egingo duten.

Gaur Ertzaintza egon da 08:00ak aldera lantegiko sarreran, baina ez da gatazkarik gertatu, LABeko iturrien arabera.

Iragan urtarrilaren 9an egin zuten lehen lanuztea enpresan:

Ernai Aiaraldeako kideek ere bat egin dute langileen aldarriekin:

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa