.jpeg)
Amurrion eta Laudion pilatu dituzte goizean goizetik, Greba Batzordeko ekimenak. Bi herri horietan izan du jarraipenik handiena grebak. Dena dela, gainontzeko herrietan ere izan du eragina gaurko mobilizazio egunak oro har.
Urduña, Arakaldo eta Arrankudiaga grebarekin bat
Urduñan 71 komertziotatik zazpi egon dira soilik zabalik, herritarrek Aiaraldea Komunikabideari adierazi diotenez. "Banketxeak eta Correos zabalik egon dira. Herri Eskola itxita egon da, baina Andra Mari ikastetxean zenbait ikasle zeuden".
Urduñan 71 komertziotik 7 bakarrik egon dira zabalik. Ondorioz, grebaren eragina handia izan da #U30GrebaOrokorra #AiaraldeaGreban (Argazkiak: @iabiguri ) pic.twitter.com/w099x6aIPf
— Aiaraldea.eus (@aiaraldea) January 30, 2020
Arakaldon, aldiz, udaletxea itxita egon da, eta ez da beharginik egon lanean
#Arakaldo-ko udala gaur itxita! Ez da inor lanera etorri. #U30GrebaOrokorra !! @AiaraldeaGreba @aiaraldea pic.twitter.com/11z5H0p8xV
— Jabi Asurmendi (@jabiasurmendi) January 30, 2020
Arrankudiaga-Zollotik, berriz, auto karabana bidez lotu dituzte Ugao, Zeberio eta Arrankudiaga. Izan ere, Hego Uribeko Batzordearekin osatu dituzte kanpaina eta mobilizazio eguna. Hala, goizean Bilboko manifestazioan izan dira, eta arratsaldean Ugaon. Arrankudiagako denda, tabernak eta eskola deialdietara atxikitu dira; eta euren jarduna eten dute.
Orozkon, Aiaran eta Artziniegan eragin txikiagoa
Orozkon ez du izan beste tokietan adinako oihartzunik deialdiak. "Arraindegia itxita zegoen, baina gainerako denda gehienetan lanean zeuden".
Okondon normaltasuna izan da nagusi: "Taberna batek soilik egin du bat protestarekin, dendak irekita egon dira".
Aiaran erdibidekoa izan da jarraipena. Etxaurren Ikastolak deialdiarekin bat egin du. "Luiaondon eta Arespalditzan hiru tabernatik bi zabalik egon dira, eta Murgako industriagunean antzera. Udalean normaltasunez egin da lan", zehaztu dute.
Antzekoa izan da Artziniegako egoera, taberna eta denda gehienak zabalik egon baitira. "Udaleko gehienek greba egin dugu, Museoa, eskola eta liburutegia itxita egon dira", jakinarazi diote komunikabideari. Alabaina, Bilboko manifestazioan presentzia nabarmena izan dute, Artziniegako garraiolari batek eman baitiote hasiera mobilizazioari:
Bilboko manifestazio nagusia Artziniegako Ainara eta Irune kamioilariek zabaldu dute #U30GrebaOrokorra #AiaraldeaGreban (Argazkia: @naiz_info ) pic.twitter.com/OsqWOVLrPW
— Aiaraldea.eus (@aiaraldea) January 30, 2020