Mila herritar baino gehiago batu dira Laudioko mobilizaziora

Erredakzioa 2020ko urtarrilaren 30a

Arratsalde bizia izan dute Laudioko grebalariek. Bostak aldera kalejira abiatu dute. Latiorrora bertaratu dira, bertako taberna batzuk irekita zeudelako. Ordubete inguru eman dute auzoan, eta Lamuza plazara joan dira gero, bertatik abiatzekoa baitzen arratsaldeko mobilizazio zentrala.

Apur bat berandu hasi da manifestazioa, baina jende andana batu da, mila lagun baino gehiago. Ibilbidean zehar hainbat aldarri plazaratu dituzte grebalariek. Prekarietatea salatu dute lehenbizi, aurten lan istripuetan hildako bederatzi beharginak omenduz. Berriak supermerkatuetako borroka ere izan dute gogoan, eta Fexiplan aldi baterako lanerako enpresaren aurkako salaketa ekintza ere gauzatu dute.

Herriko plazan amaitu da mobilizazioa. Lau emakumek hartu dute hitza bertan: mugimendu feministako kide batek, Berriak supermerkatuetako behargin batek, gazte batek eta pentsiodun batek. Euren aldarriak plazaratu ostean, borrokan jarraitzearen beharra jarri dute mahai gainean, txalo zaparrada artean.

Politika Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide