Physis Versus Nomosen doinuek eman diote amaiera Arrastiak Faktorian zikloari

Txabi Alvarado Bañares 2020ko otsailaren 16a

Dozenaka lagun bertaratu ziren atzo Laudioko Industrialdean dagoen Faktoriara Physis Versus Nomosen musikaz gozatzera. Arrastiak Faktorian zikloaren azken kontzertua izan zen talde donostiarrarena, datozen bi hilabeteetan pabilioian egingo diren obrak ez dutelako bertan emanaldirik egitea ahalbidetuko.

Musikariek ez zuten asko hitz egin abesti batetik bestera, baina komentatu zituzten gauza bakanetan umore ona izan zen nagusi, “musika jotzen duen lagun talde bat” direla argi utziz.

Udazkenean hasi zen Arrastiak Faktorian zikloa. Orotara 8 emanaldi egon dira gaur arte. Irailean Uxue Alberdi eta Oihana Bartra bertsolariekin saio musikatua egon zen lehenbizi, eta Jon Basagurenen kontzertua ondoren. Urrian, berriz, 4 ekitaldi antolatu zituen Faktoriak: Napardeath trilogiaren aurkezpena eta Ibil bedi, Silvio eta Rodrigez, eta Borja Estankonaren kontzertuak. Urtarrilean heldu zion bigarren txanpari jarduera zikloak, Ines Osinagaren "Alutik" ikuskizunarekin. Phisys Versus Nomosen emanaldiak itxi zuen atzo neguko eskaintza.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide