aiaraldea.eus

Physis Versus Nomosen doinuek eman diote amaiera Arrastiak Faktorian zikloari

Erabiltzailearen aurpegia Txabi Alvarado Bañares   Kultura  Laudio
Physis Versus Nomosen doinuek eman diote amaiera Arrastiak Faktorian zikloari

Dozenaka lagun bertaratu ziren atzo Laudioko Industrialdean dagoen Faktoriara Physis Versus Nomosen musikaz gozatzera. Arrastiak Faktorian zikloaren azken kontzertua izan zen talde donostiarrarena, datozen bi hilabeteetan pabilioian egingo diren obrak ez dutelako bertan emanaldirik egitea ahalbidetuko.

Musikariek ez zuten asko hitz egin abesti batetik bestera, baina komentatu zituzten gauza bakanetan umore ona izan zen nagusi, “musika jotzen duen lagun talde bat” direla argi utziz.

Udazkenean hasi zen Arrastiak Faktorian zikloa. Orotara 8 emanaldi egon dira gaur arte. Irailean Uxue Alberdi eta Oihana Bartra bertsolariekin saio musikatua egon zen lehenbizi, eta Jon Basagurenen kontzertua ondoren. Urrian, berriz, 4 ekitaldi antolatu zituen Faktoriak: Napardeath trilogiaren aurkezpena eta  Ibil bedi, Silvio eta Rodrigez, eta Borja Estankonaren kontzertuak. Urtarrilean heldu zion bigarren txanpari jarduera zikloak, Ines Osinagaren "Alutik" ikuskizunarekin. Phisys Versus Nomosen emanaldiak itxi zuen atzo neguko eskaintza. 

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa