aiaraldea.eus

Koronabirusaren kasu bat baieztatu da Laudion, baina kontrolatua dago

Erabiltzailearen aurpegia Erredakzioa   Osasuna  Laudio

Gaixoa konfinatua dago, eta inguruko jendeari prebentzio neurriak ezarri dizkiete.

Koronabirusaren kasu bat baieztatu da Laudion, baina kontrolatua dago
Koronabirusa ez kutsatzeko prebentzio neurriak abiatu dituzte. / Aiaraldea.eus | Ikusi handiago | Argazki originala

Laudioko herritar bat koronabirusak kutsatu duela berretsi dute. Edonola ere, gaixoa ez dago arrisku taldeen artean eta jadanik isolatuta dago bere etxebizitzan. Bere osasun egoera ona da.

Administrazioak prebentzio neurriak hartu ditu eta harreman estua izan dutenak ere konfinatuak daude. Horrez gain, kontaktu arina izan dutenei zenbait argibide eman dizkiete.

Covid-19 kasu batekin harremana izan dutenek hurrengo agindu hauek bete behar dituzte 14 egunez, hori baita inkubazio aldia:

Tenperatura kontrolatu behar dute birritan egunero, zehazki, hurrengo ordutegietan: 08:00etatik 10:00ak bitartean eta 20:00etatik 22:00ak artean. Tenperatura horien berri eman behar diote jarraipena egingo dion arduradunari.

Horrez gain, uneoro harremanetan jartzeko moduan egon behar dira pertsona horiek bi aste horiek igaro arte eta gizarte jarduerak zein bidaiak mugatu behar dituzte.

Arnas higienikoak zorroztea eskatzen zaie: eztul eta doministiku egitean sudurra eta ahoa estaltzea, ukondoaren flexuarekin edota erabili eta botako den zapi batekin.

Eskuak maiz garbitu behar dituzte eta antitermikoak ezin dituzte hartu, medikuak ez badie baimentzen.

Eskuak garbitzeko hurrengo aholkuak eman dituzte:

  1. Urarekin busti.
  2. Xaboia erabili eta eskuak hatzen artean igurtzi eta azazkalen azpian garbitu.
  3. Ur ugarirekin argitu.
  4. Eskuak lehortu, botatzeko paperezko eskuoihala baliatuta.
  5. Papera pedalezko estalki batean bota, plastikozko poltsarekin, eta edukiontzia itxi.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa