Atzoko eraso matxista elkarretaratze bidez salatu du Mugimendu Feministak
Izar Mendiguren Cosgaya
2020ko mai. 17a, 12:42
"Erasorik ez, erantzunik gabe" lemapean, indarkeria matxista gaitzetsi eta elkar babestu zein saretzeko beharra azpimarratu dute.
Atzoko atxiloketa salatzeko eta emakume erasotuari babesa adierazteko deitu du elkarretaratzea Aiaraldeko Mugimendu Feministak. Atxiloketa Laudion izanik, herriko Alberto Acero plaza bilakatu dute protesta eremu, distantzia eta segurtasun neurriak hartuta.
Konfinamendua hasi zenetik bi eraso matxista salatu ditu eskualdeko Mugimendu Feministak. Lehenbizikoa apirilaren 6an izan zen, Laudion jazotako indarkeria matxista kasu bat medio. Ordukoan ere gizonezko bat atxilotu zuen Ertzaintzak, genero indarkeria leporatuta.
Laudioko Mugimendu Feministako kideek adierazi dutenez, eraso oro salatzen jarraituko dute. Zentzu horretan, babesa helarazi diete edozein motatako biolentzia jasaten ari diren emakumeei.
Laudioko Udalaren adierazpen instituzionala Laudioko Udalak, bestalde, adierazpen instituzionala atera du gertaera gaitzesteko. "Uneotan indarkeria bizi duten emakume eta haurrei babesa emateko" deia zabaldu dute, eraso matxista salatzearekin batera:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.