Igandean Santa Luziara igotzeko deia zabaldu du Laudioko Gure Esku Dagok

Julen Solaun Martinez 2020ko maiatzaren 28a

Aiaraldeko Gure Esku Dagok duela bi urte eginiko agerraldi baten irudia. / Aiaraldea.eus

Eguerdian han geratzeko asmoa plazaratu dute taldetik, pertsonen arteko bi metroko segurtasun distantzia minimoa bermatuta betiere.

Laudioko Gure Esku Dago plataformak elkarretaratzea egingo du Santa Luzian Euskal Herriaren erabakitzeko eskubidea aldarrikatzeko maiatzaren 31n, igandean. Ohar batean azaldu dutenez, Ermualden gauzatuko dute ekintza, betiere pertsonen arteko bi metroko distantzia errespetatuta. Plataformaren ikurrak eta banderak eramatera ere animatu nahi izan dituzte parte-hartzaileak.

Egitarauaren arabera, 10:00etan hasiko dira Lezeagatik igotzen, eguerdian goian egoteko asmoarekin. Era berean, nahi dutenek bazkaria eramateko aukera izango dute, baita txistua edo trikitixaren bidez goiza animatzeko ere.

Politika Laudio

Erlazionatuak

"Gero eta argiago dugu herritarrok hemen eta orain erabaki leloaren indarra eta egokitasuna"

Izar Mendiguren Cosgaya 2020 mai 21 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide