.JPG)
Uztaileko azken astea gorabeheratsua izaten ari da Aiaraldean koronabirusari dagokionez. Izan ere, pasa den ostiralean eta igandean bi positibo berri topatu zituen osasun sistema publikoak, gutxienez bat Laudion egindako Tenis kanpusari lotuta.
Horren ostean, Osakidetzak beste kasu berri bat azaleratu zuen atzo. Laudioko eta Arabako kopuruak -7 guztira atzo-, dena den, ez dira bereziki larritzekoak. Izan ere, atzo Gipuzkoak 41 izan ziren guztira gaixo berriak, aurreko egunetako datuak hirukoiztuta. Horietako 8 Tolosan izan ziren eta 10 Donostian.
Pandemia hasi zenetik, COVID-19ak hurrengo datuak utzi ditu eskualdean kutsatuen kopuruei dagokienez:
- Laudio: 168
- Amurrio: 125
- Aiara: 65
- Urduña: 43
- Okondo: 7
- Orozko: 25
- Artziniega: 13
- Arakaldo: 0
- Arrankudiaga-Zollo: 0
- Aiaraldea: 446
Horrez gain, hainbat lagun zendu dira. Hain zuzen, hurrengoak izan dira hildakoak:
- Amurrio: 8
- Artziniega: 1
- Aiara: 1
- Laudio: 9
- Okondo: 1
- Orozko: 3
- Urduña: 0
- Aiaraldea: 23
Maskara eramatea, derrigorrezkoa
Eusko Jaurlaritzak jakinarazi duenez, bihartik aurrera derrigorrezkoa izango da maskara toki publiko guztietan eramatea, segurtasun distantzia mantentzen den kasuetan barne. Naturguneetan edota kirola egitea soilik kendu ahalko da.
Koronabirus kasuak nabarmen ugaritu dira azken 24 orduetan Hego Euskal Herrian, 80 kutsatu berri topatu baitituzte.
