Kasinoan egin dute aurkezpen ekitaldia. Streaming bidez eskaini dute emanaldia. Ekainaren 20an ospatuko dute Laudio Ikastolaren aldeko jaia.
"Zabal bideak" izango da 2021eko Araba Euskarazeko leloa. Gaur aurkeztu dute kasinoan ekimena, 18:30ean. Hala, Eneko Alday Aresketa Ikastolako lehendakariak lekukoa pasa die Laudio Ikastolako ordezkariei. Aiara Murga lehendakariak eta Jon Bengoetxea zuzendariak hartu dute hitza, hezigunearen ordezkari gisa.
Horrez gain, ikasleek "Araban bagare" abestia kantatu dute, eta Kaitin Allendek duela 20 urte -Araba Euskarazen koordinatzaile zela- bizitakoak ekarri ditu gogora bakarrizketa umoretsuan. Gainera, ikasleek, gurasoek eta irakasleek eurentzat Ikastola zein euskara zer diren azaldu dute ikus-entzunezko batean.
Ikusi ekitaldi osoa hemen:
Argazkiak: Aimar Gutierrez Bidarte eta Aresketa Ikastola
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.