Datorren astean egingo dute Araba Euskaraz kanpainako lehen kultur ekitaldia

Abenduak aurkeztu zuten aurtengo Araba Euskaraz kanpaina. / Aresketa Ikastola

Granja kiroldegian izango da zita otsailaren 28an, igandea, 12:00etan. Bertsolaritza, euskal dantzak, balleta eta zuzeneko musika uztartuko dituzte.

Otsailaren 28an eskainiko du Laudio Ikastolak Araba Euskaraz 2021 kanpainako kultur egitarauaren lehen ekitaldia: Bakardadeak garaitu zituenak. Granja kiroldegian taularatuko dute ikuskizuna, 12:00etan. 

Txomin Malaxetxebarria gazte euskaldunaren bizitzan oinarritutako emanaldia izango da. “Koldo San Sebastian kazetariaren artikulu batean izan zuen haren berri Jose Antonio Eluk, proiektuaren sortzaileak, eta abesti baterako gaia bihurtu zuen, gerora ikuskizun honetarako bizkarrezur bilakatuko zena”, azaldu dute antolatzaileek. 

Modu horretan, “amets amerikarraren” bila joandako pertsonek bizitako “bakaradade eta etsipena” jorratuko ditu ekitaldiak, hainbat diziplina artistiko uztartuta. Ricardo Gonzalez de Durana bertsolariak anzteztuko du Malaxetxebarriaren papera, eta Felipe Zelaietak egingo ditu narratzaile lanak.  Shuyana Izaga eta Mikel Etxebarria dantzariak ere igoko dira oholtzara, eta  Ardi Ilun Blues Band taldeak musika joko du zuzenean. 

Sarrerak salgai dagoeneko

Sarrerak salagai daude dagoeneko Araba Euskarazen online dendan (www.arabaeuskaraz.eus), 5 euroren truke. 

Abenduan egin zen aurtengo Araba Euskaraz jaia aurkezteko ekitaldia, Lamuza parkeko kasinoan. Ekainean egin nahi dute jai nagusia, baina beste hainbat dinamika ere jarriko dituzte abian:

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide