350 isun jarri zituzten Laudioko Udaltzainek 2020an. Udalak argitu duenez, Alarma Egoerarekin ezarritako neurriak ez errespetatzeagatik jarri dira salaketa gehienak. “Horregatik, zifrak aurreko urteekin alderatuta nabarmen handiagoak dira: 2018an 17 zigor jarri ziren eta 2019an 14”, azaldu du tokiko erakundeak.
Hauek dira jarritako zigor kopuruak, motaren arabera sailkatuta:
- Konfinamendua ez errespetatzeagatik: 159
- Maskara ez erabiltzeagatik: 69
- Droga eduki edo kontsumitzeagatik: 26
- Gehienezko edukiera ez errepetatzeagatik: 25
- Udaltzainei errespetua faltatzeagatik: 18
- Gaueko ordutegi muga ez ezartzeagatik: 14
- Tokiko segurtasun-agintariei desobeditzeagatik: 10
- Gazte lonjak erabiltzeagatik: 8 zigor
- Bide publikoan alkohola kontsumitzeagatik: 5 zigor
Horrez gain, 3 ostalaritza establezimendu zigortu dira ezarritako mugak ez betetzeagatik.
Zigorrak Gabonetatik hona
Gabonen hasietatik hona, aldiz, 95 salaketa jarri dira:
- Gauerko ordutegi muga ez errespetatzeagatik: 30
- Drogak edukitzeagatik eta kontsumitzeagatik: 15
- Maskararik ez erabiltzeagatik: 14
- Gehienezko pertsona kopurua gainditzeagatik: 12
- Bizileku-udalerritik kanpo egoteagatik: 11
- Bide publikoan alkohola edateagatik: 3
- Gazteen lonjak erabiltzeagatik: 2
- Maskara behar bezala ez erabiltzeagatik: 2
- Agenteei desobeditzeagatik: 1
- Agenteekiko errespetu faltagatik: 1
Gainera, beste 3 ostalaritza establezimendu zigortu dira ezarritako mugak ez betetzeagatik eta denda bat isundu dute produktu piroteknikoak saltzeagatik.
Konfinamendua hasi zenean zenbait bizilagunek zenbait udaltzainen jarrera salatu zuten, “jazarpen etengabea” egiten ari zirela nabarmenduta. Udalak, bere aldetik, poliziaren jarrera defendatu zuen, ezarritako zigor guztiak arrazoituak zeudela nabarmenduta.
Ertzaintzak ere isun ugari jarri ditu eskualdean COVID-19aren aurka ezarritako neurriak ez betetzeagatik. 171 zigor jarri zituzten polizia-gorputz guztiek batera urtarrilean.