Kultur sorkuntza Aiaraldean

Loraldia festibalean eta Tabakaleran taularatuko dute 'Elkar ezagutu genuen eguna' antzezlan musikatua

Aretan ere aurkeztu zuten obra abenduan. / Piszifaktoria.eus

Mikel Ayllon idazle laudioarraren istorioan oinarrituta zuzendu du Pablo Ibarluzeak obra. Bilboko Loraldia jaialdian eta Donostian ere aurkeztuko dute martxoan obra, Igor Arzuaga, Aritz Bengoa eta Irati Onaindia artistak lagun.

Udazkenean aurkeztu zuten Gasteizen Mikel Ayllonek eta Pablo Ibarluzeak zuzendutako lana. Berez, Ayllonek idatzitako kontakizuna da hari nagusia. Alabaina, Igor Arzuaga aretarrak jantzi du musikarekin emanaldia, eta Aritz Bengoa herriko aktoreak ere antzezten du, Irati Onaindiarekin batera.

Martxoaren 9an Bilboko Itsas Museoan eskainiko dute ikuskizuna, Loraldia jaialdiaren barruan , 19:00etan. Sarrera doakoa izango da, gainera.  Donostiara ere joango dira tokiko sortzaileak, hilaren 11n, 19:30ean Tabakaleran izango baitute zita.

Egitasmoa Piszifaktoria Laborategiaren barruan kokatua dago, Mikel Ayllon eta Igor Arzuagaren artean sortutako ekimena. Elkar ezagutu genuen eguna antzezlana Zoriontsu izatea erabaki genuen liburuaren kontakizunetako batetik atera dute. Abenduan Aretan egon ziren sorkuntza taularatzen:

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide