Prentsaurrekoa egingo du Laudioko Udalak bihar eguerdian Latiorron, Gotzone Sagardui osasun sailburuarekin batera. Ander Añibarro alkateak ere hartuko du parte agerraldian, eta "udalerriko etorkizuneko osasun zentroa" aurkeztea izango da helburua, hedabideei bidalitako deialdian zehazten denez.
Azken urteetan talde politiko eta eragile ugarik nabarmendu dute Laudion osasun zentro berri bat behar dela, gaur egungoa txiki geratu dela argudiatuta. Azken urteetan hainbat obra egin dira egungo azpiegituran, espazio berriak atontzeko. Neurologia, oftalmologia, endokrinologia eta kirurgia orokorreko kontsultak jarri ziren 2017an, eta hilabete batzuk beranduago urologiakoa ere gehitu zuten.
Espazio falta are nabariagoa bilakatu da pandemia garaian. Osasun sailak etxola batzuk jarri zituen zentroaren aurrean, PCR eta antigeno probak egiteko. Txertaketak burutzeko, aldiz, Lamuzako Parkeko Musika Etxean jarri dute gunea.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
