Tubacexeko Enpresa Batzordeko kide bat identifikatu du Ertzaintzak eta zigortuko dutela esan diote

Txabi Alvarado Bañares 2021ko uzt. 28a, 16:56
Deskargatu Info Ahotsak :

Dozenaka polizien artean inguratu dute lantegiko sarrera. / Aiaraldea.eus

Laudioko piketean jazo da gertaera, zuzendaritzaren autobusa iritsi baino minutu batzuk lehenago. 

Tentsio uneak bizi izan dira gaur Tubacexeko Laudioko piketean. Ertzaintzak azken bi egunetako jokabideari EUTSIdio, dozenaka agente mobilizatuta zuzendaritzaren autobusari paso emateko. 

Greba Komiteko kide batzuek uko egin diote atearen paretik kentzeari, autobusean zihoazen pertsonei grebaren gaineko informazioa helarazteko eskubidea zutela argudiatuta. Poliziarekin eztabaidatu ostean, amore eman eta bidearen paretik kentzea adostu dute, baina orduan ertzaina batek identifikazioa eskatu dio Enpresa Batzordeko kide bati, zigortu nahi zutela adierazita:

Ordezkari sindikala identifikatu ostean, langileak atetik erabat urrundu dira, protesta gisa. 

168 egun bete dituzte gaur Tubacexeko langileek greba mugagabean. Astelehenean izan zuten zuzendaritzarekin bilera, Laudioko lantegian bertan. 10 orduz egon ziren bilduta. Baina, Enpresa Batzordearen gehiengoaren ustez, zuzendaritzak proposatutakoa ez da nahikoa, eta grebari eustea erabaki dute horregatik. Multinazionaleko buruek uko egin diote kaleratzeak direla eta Madrilgo Auzitegi Gorenean jarritako helegitea kentzeari. 

Identifikazioak ohikoak bilakatu ziren grebaren lehen hilabeteetan. Dozena bat lagun inguru identifikatu ditu poliziak gatazkaren irudiak grabatze hutsagatik. 

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide