Uxue Mendia Elche CF taldeko jokalaria bihurtu da. Kontratua sinatu du taldearekin eta hurrengo denboraldian Valentziako komunitateko klub horretan arituko da.
Duela astebete heldu zen laudioarra bere hiri berrira eta oso pozik dagoela adierazi dio Aiaraldea Komunikabideari. Elchek 2. mailan lehiatzeko igoera lortu zuen ekainean eta hurrengo denboraldiko erronka, Mendiaren ustez, izango da mailari eustea eta ahalik eta posturik onenean geratzea.
Uxue Mendiarentzat zilarrezko kategoria oso ezaguna da. Izan ere, 2020/2021 denboraldian 1. mailara igotzea erdietsi zuen Alaves taldearekin. Bere bigarren denboraldia izan zen Gasteizko klubean, baina hara heltzeko kanpaina oso onak egin zituen hiri arabarreko Aurreran.
Bere kirol ibilbidea aitortzeko, omenaldia egin zioten Laudioko udaletxean. Baina, momentuz, bere historia futbol profesionalean ez da amaitu.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
