Lapurrak sartu dira gaur gauean Laudioko Santamaria harategian. “Pertsiana igo eta atea behartu dute barrura sartzeko”. Hala azaldu diote establezimenduko arduradunek Aiaraldea Komunikabideari. Euren hitzetan, lapurrek kutxetako dirua eraman dute, eta ez dute produkturik hartu. “Bulegoa ere hankaz gora jarri dute”.
Ertzaintza bertaratu da goizean atestatua ireki eta hatz-markak hartzera.
Kasu gehiago
Honakoa ez da uda honetan Laudioko establezimendu batean jazotzen den lehen lapurreta. Uztailaren amaieran Elizalde kaleko estankoan sartu ziren, erakusleihoko kristala hautsita.
Hala ere, estatistikoki, Aiaraldean ez dira bereziki ugariak horrelako kasuak, EAEko beste toki batzuekin alderatuta behintzat. Erkidegoko kriminalitate tasarik baxuenetarikoa du eskualdeak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
