48ko Uzta elkarteak Juan Jose Salazar omenduko du, San Roke Kofradiako maiordomo ohia

Aitor Aspuru Saez 2021eko urriaren 24a
Deskargatu Info Ahotsak :

Juanjo Salazar omenduko dute. / 48ko Uzta

Elkarteak goraipatu nahi du laudioarrak herriko kulturan egindako ekarpena. Ekitaldia urriaren 28an izango da 13:00etan erabilera anitzeko udal aretoan.

48ko Uzta elkarteak omenaldi berria antolatu du eta Juan Jose Salazar Olabarria izango da aitortua. Laudioarra urte luzez izan zen San Roke Kofradiako maiordomoa eta, horrez gain, Amalur Fundazioaren presidente izan zen. Fundazioak bi liburu argitaratu zituen herriko historiari buruz.

Salazarrek dimisioa aurkeztu zuen 2009an kofradian maiordomo gisa, ezin izan baitzuen lortu erakundeak onartzea emakumezkoen parte hartzea Laudioko Jaietan egiten den bazkarian.

48ko Uztak goraipatu nahi izan du ere Salazarrek beti lagundu dituela panegirikoak idazten edo aurkezpenak gidatzen. Hori guztia dela medio, omenaldia egingo diote urriaren 28an 13:00etan Laudioko erabilera anitzeko udal aretoan.

Salazar baino lehen, Laudioar Txirrindulari Elkartea, Floro Urkijo edota Larra Bustingintza omendu dituzten 48ko Uztako kideek.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide