Julen Burgos bakarlariak igo du jada bere lehen kanta sare sozialetara. Laudioarrak Goaz taldean jo zuen eta proiektua amaitu zenean kantak sortzen jarraitu zuen. Pandemiak ekarritako itxialdian, ordea, serioago hartu zuen konposizioa eta abesti sorta atondu zuen.
Horiekin lortu zuen irabaztea azaroaren amaieran Rockein Musika Lehiaketako euskarazko saria. Orduan abeslariak aipatu zuen bere lanak sareratuko zituela apurka-apurka eta pasa den astean bete zuen agindutakoa.
Gauzak horrela, ostegunean agertu zen Youtuben, Spotify eta Deezer plataformetan Betirako ispilua. Abestiak Julen Burgosen soinua jasotzen du, kitarra akustikoa eta elektrikoa eta ahotsa nahastuta.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide