COVID-19aren 52 kasu berri detektatu ditu Osakidetzak Aiaraldean astelehenetik asteazkenera bitartean. Beheranzko joeran jarraitzen dute datuek: 100 positibo topatu ziren iragan asteko ostegunetik igandera bitartean. Hau da, erdira murriztu da kopurua.
Hauek dira kasu kopuruak udalerriz udalerri:
- Amurrio: 10 kasu guztira (3 astelehenean, 2 asteartean eta 5 asteazkenean).
- Artziniega: Kasu 1 asteartean.
- Aiara: 2 kasu guztira (bana astearte eta asteazkenean).
- Laudio: 23 kasu guztira (4 kasu astelehenean, 10 kasu asteartean eta 9 kasu asteazkenean).
- Okondo: 3 kasu guztira (2 kasu astelehenean eta kasu 1 asteartean).
- Arrankudiaga: 2 kasu asteazkenean.
- Orozko: 4 kasu guztira (3 kasu astelehenean eta kasu bat asteazkenean).
- Urduña: 7 kasu guztira (3 kasu astelehenean, 3 kasu asteartean eta kasu 1 asteazkenean).
Intzidentzia metatuaren tasa ere behera
Gauzak hala, intzidentzia metatuaren tasak ere behera jo du ia udalerri guztietan. Arakaldo da salbuespen bakarra, bertako ataza ez baita aldatu, azken hiru egunetan kasurik erregistratu ez arren.