Larunbatean ireki zituen berriz ateak Laudioko Gaztetxeak, bi urtez itxita egon ostean. Ordutik hona hainbat ekintza eta auzolan egin dituzte bertan, espazioa berriz sozializatu eta atontzen hasteko helburuarekin.
Asteburu mugitua izan dute gaztetxeko kideek. Sare sozialetan salatu dutenez, udaltzainak gaztetxera sartzen saiatu ziren larunbat gauean. Gazte bat identifikatu zuten orduan, gertatzen ari zena grabatzeagatik. Igande goizean itzuli ziren poliziak, eta beste hiru lagun identifikatu zituzten orduan:
Hemen goizeko gertakarien bideo bat. Munipek kanpoan zeuden kideei sarrera ukatu diete eta barruan aurkitzen zen kide bat identifikatu dute. Horren ostean, alde egin dute. pic.twitter.com/m4WMBrai2X
— Laudioko Gaztetxea (@LaudioGaztetxea) February 20, 2022
Gaur goizean, aldiz, bi patruila bertaratu dira Lamuza parkera, gaztetxeko kideak auzolanean ari zirela. Gaztetxearen kanpoko paretan "Gaztetxe" hitza idazten ari zirela atzeman dituzte, eta kide bat indentifikatu dute horregatik. Horrez gain, beste gazte bati ere eskatu diote NANa, mugikorrarekin grabatzeagatik.
Bi urte zeramatzan Laudioko Gaztetxeak itxita, Kultur Etxeko obrak direla eta. Gaztetxeko kideek salatu dute obra prozesua "etengabe" luzatzen ari dela, eta nabarmendu ez dagoela gaztetxea ixteko argudiorik "espazioaren itxiera agintzen duen txostenean". Gauzak hala, Laudioko gazteei "politika egiteko espazio bat" ukatzen zaiela uste dute. "Udalaren txostenaren helburua 20 urteko ibilbidea bete duen gaztetxea arbitrarioki ixtea da".
Horren aurrean, "antolatzen" jarraituko dutela ziurtatu dute gazteek, "eskubide politikoen defentsan eta langileen kontrolpeko espazioen hedapenaren alde".
Gaztetxeak 2 urte daramatza itxita eta obra prozesua etengabe luzatzen ari da.
— Laudioko Gaztetxea (@LaudioGaztetxea) February 21, 2022
Gaztetxearen itxiera agintzen duen txostenean hau ixteko argudiorik ezin daiteke topatu.
Beraz, Laudioko gazteoi politika egiteko espazio bat ukatzen zaigu.
Gaztetxea gazte langileontzat! pic.twitter.com/WjaAAz841n
