Pandemiak eragindako etenaldiaren ostean, Dolumin Barikuko aurtengo edizioa ez da guztiz normaltasunera itzuli. Izan ere, Aberedunak elkartearen plantoaren ondoren, ez da animalirik egon gaur Laudioko herrigunean.
Hala ere, jende ugari atera da kalera, 60 postu jarri baitituzte ekoizleek eta artisauek eta hiru plaza hartu dituzte horretarako: Aldai plaza, Herriko plaza eta Alberto Acero plaza. Horrez gain, zenbait jarduera antolatu ditu udalak, herri kirolak, esaterako. Goizeko ordu txikietara arte luzatuko da eguna, Akerbeltz taldearen erromeriarekin.
Hemen ikusi daiteke arratsalderako zein astebururako antolatutako ekintza guztien egitaraua.
Argazkiak: Antonio Muñoz eta Txabi Alvarado
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.