Pasa den astean norbaitek bi txakur pozoitu zituen Gardeako auzunean. Animali horien jabeetako batek azaldu dio Aiaraldea Komunikabideari txakurrak egun txar batzuk igaro dituela eta buru makur egon dela, baina ez duela artatzeko beharrik izan.
Auzokide horrek eta beste batek, ordea, adierazi dute Gardeagotxin beste txakur bat intoxikatu zutela. Antza, jabeak ikusi zuen pertsona batek saltxitxa bat botatzen ziola maskotari eta berehala bertaratu arren, ezin izan zuen ekidin animaliak haragi zati bat jatea.
Dirudienez, saltxitxak pozoia zuen eta txakurra ondoezik jarri zen. Egoeraren larritasuna ikusita, jabeak albaitariarengana eraman zuen, txakurraren osasuna arriskuan baitzegoen.
Hiru txakur hilik Gardean 2020an
Laudioko auzune horretan, tamalez, antzeko gertakariak salatu dituzte aurretik. Izan ere, 2020an hiru txakur hil ziren, estriknina zuen haragia jan eta gero. Aurten ere, txakurren jabeek alarma deia zabaldu zuten, haragi puxka susmagarriak topatu baitzituzten.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
