Bikain heldu dio Laudio Atletismo klubak kirol denboraldi berriari. Barakaldon izan da asteburuan Euskadiko txapelketako zita, eta bigarren postua erdietsi du Koldo Ayesta lasterkariak. "Denboraldia indartsuago hasi dugu, ahal bada", azpimarratu du kirol elkarteak sare sozialetan. "Jakinarazi behar dizuegu Koldo Ayesta Zaballa gure atleta hirugarren izan dela proban, eta bide batez Euskadiko txapeldunordea", nabarmendu dute.
Euskadiko txapeldunorde izatea lortu du Koldo Ayesta korrikalariak, 10 kilometroko ibilbidea 31 minutu eta 41 segundotan osatuta
10.000 metroko ibilbidea 31 minutu eta 41 segundotan bukatu zuen korrikalariak, "denbora zoragarria" taldearen iritziz. Laudio Atletismo taldeak kirolariaren lana goraipatu du, "Zorionak Koldo! Eskerrik asko zure ahaleginagatik eta Laudioko zein Atletismo taldeko izenak eramateagatik".
Ayestarentzat ez da sentsazio berria podiumera igotzea, hainbat aldiz kokatu da lehen sailkatuen artean eta, adibidez, duela bi urte Zumaiako Herri Lasterketa irabazi zuen.