Amatasun ereduak eta sexu heziketa izan zituzten aztergai atzo Bor-bor solasaldi zikloan

Izar Mendiguren Cosgaya 2022ko urriaren 23a

Estitxu Fernandez eta Erika Lagomak 'M ama*, eme*, ume*' liburua aurkeztu zuten, eta Diana Ibargutxi sexologoak sexu heziketarari erantsi zion begirada feminista.

11:00etan zuten hitzordua Faktorian Bor-bor Aiaraldeko Feminismo Elkarteko kideek, solasaldi zikloari heltzeko. Aiaraldea ahaldunduz eta saretuz egitasmoa ari dira gauzatzen udazkenean zehar. Hala, Estitxu Fernandez eta Erika Lagomak berriki plazaratutako 'M ama*, eme*, ume*' liburua aurkeztu zuten, egindako bidea eta prozesuaren berri emanez. Izan ere, amatasun eredu anitzak bildu dituzte 13 elkarrizketa, narrazio bilakatuta. Bigarren zatian, Diana Ibargutxik sexu heziketa izan zuen mintzagai, ikuspegi feminista txertatzeko zenbait gako emanez. Aiaraldea Komunikabideak zuzenean emititu zuen jardunaldia

Azaroaren 5ean izango da hurrengo hitzaldia, 11:00etan Faktorian. Zehazki, gordofobia eta dekolonialitatea izango dira jorratuko diren ertz edo gaiak.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide