Goya Sarien hautaketa fasean dago Esti Urresolaren 'Cuerdas' filma

Aitor Aspuru Saez 2022ko urriaren 28a
Deskargatu Info Ahotsak :

Esti Urresola Solaguren, pelikularen kartelarekin. / E. U. S.

Goya zinema sarien XXXVII. edizioaren finalean egoteko aukerak ditu Cuerdas Esti Urresola laudioarraren film laburrak. Hautaketa fasean sartu dute beste 34 pelikulekin batera.

Esti Urresola zinemagile laudioarrak bigarren aldiz lortu du Goya sarien hautaketa fasean egotea. Polvo somos lanarekin egin zuen 2020an eta Cuerdas film laburrarekin errepikatu du aurten.

Espainiako zinema akademiako kideek daukate orain hitza eta eurek erabakiko dute laudioarraren filma otsailaren 11n Malagan egingo den sari banaketan egongo den. Hurrengo asteetan bozkatuko dute eta guztira 35 ikus-entzunezko daude fase honetan.

Edonola ere, Cuerdas lanak aitortza garrantzitsuak jaso ditu dagoeneko. Hasteko, Canneseko Jaialdian saria jaso zuen maiatzean eta Abycine zinema independenteko festibalean ere lehen saria egokitu zaio. Horrez gain, Avilés Acción Film Festivalen film labur onenaren saria eman zioten ikusleek.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide