Laudioko Ertzain etxeko aurreko komisarioa da Brigada Mugikorreko buru berria
Aitor Aspuru Saez
2022ko aza. 28a, 10:00
Ana Sanchez, Brigada Mugikorreko edo "Beltzen" buru berria, urtebetez izan da Laudioko komisaldegiko arduraduna.
Ertzaintzaren istiluen kontrako unitateak lehenengo aldiz dauka emakumezkoa den burua. Ana Sanchez da ertzain hori eta 1994an sartu zen erakundean. Brigada Mugikorraren ardurak hartu zituen iragan irailean baina, hori baino lehen, Laudioko Ertzain-etxeko komisarioa izan zen.
Sanchezek Hernanin lan egin zuen 14 urtez, gero 15 urtez egin zuen Trafiko Unitatean eta horren ondoren ofizialordea izendatu zuten. Gero ofizial ardurak eskuratu zituen eta 2018an operazio burua bilakatu zen.
2020an komisario izateko ikastaroa gainditu zuen eta 2021ean Laudioko Ertzain etxea hartu zuen bere gain. Hain zuzen, urte hori izan zen azken hamarkadako biziena Laudion, Brigada Mugikorraren presentziari dagokionez.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
